Zëri i Amerikës: Dhunimi i Xhisiela Malokut u mbajt i fshehur për mbi dy muaj

VOA – Gjykata e Krujës urdhëroi arrestim me burg për të akuzuarin Rexhep Rraja pas dhunimit të përsëritur ndaj vajzës Xhisiela Maloku. Rexhep Rraja, djali i deputetit socialist Rrahman Rraja, mori arrest me burg nga Gjykata e Krujës sipas kërkesës së prokurores.

Urdhëri u zbatua nga policia dhe Rraja po mbahet në mjediset policore nën akuzat zyrtare për përndjekjen dhe dhunimin e ish-të dashurës.

Gjykata mori këtë vendim pas akt-ekspertimit, që provon dhunën e Rexhep Rrajës ndaj vajzës Xhisiela Maloku.

Ngjarjet e dhunshme kanë ndodhur së paku nga korriku i kaluar, por ato nuk dolën në dritë për dy muaj, derisa dhunimi i vajzës u denoncua publikisht disa ditë më parë nga oficeri i policisë Emiljano Nuhu.

Ai dëshmoi dhunën ndaj vajzës dhe akuzoi policinë për nënvlerësim ndaj ngjarjes, për shkak se dhunuesi kishte babanë deputet.

Rexhep Rraja pritet të dalë sërish para drejtësisë për masë sigurie brenda 3 ditësh, ndërsa më vonë do të përgjigjet akuzave për dhunimin, që u mbajt i fshehtë për mbi dy muaj.

Viktima tha se policia nuk i regjistronte asaj denoncimet dhe kur ia merrte deklaratat, ajo detyrohej t’i tërhiqte ato nën presionin e agresorëve pranë mjediseve policore.

Shkruar Nga
More from admin

Terapia shok e Edi Ramës, të gjitha frontet e hapura

Nga Ervis Iljazaj Dje është organizuar konferenca “Ditët e Medias” nga Bashkimi...
Read More