Ronaldo show, Juventus përmbys Atleticon

 

Juventusi luajti në fushën e saj ndeshjen e kthimit me Atletico Madridin, e vlefshme për çerekfinalen e Champions League.

Pjesa e parë u mbyll 1-0 për Juventusin me golin e Ronaldos në minutën e 27-të. Portugezi shënon dhe të dytin sapo rinisi takimi dhe tashmë gjithçka barazohet, pasi Atletico kishte fituar 2-0 takimin e parë.

Minuta e 84-t ishte me fat për bardhezinjtë. Bernardeschi pengohet brenda zone dhe kishte penallti. Ronaldo gjuan nga pika e bardhë dhe shënon golin e tretë, i cili tashmë e kualifikon Juventusin.

***************

 

Që në momentin e firmosjes së kontratës me Juventusin, Cristiano Ronaldo u duk se shumë shpejt do të kthehej në idhullin e tifozëve bardhezi.

Edhe pse jemi ende në mes të sezonit, Ronaldo është zyrtarisht një legjendë e klubit torinez. Shifrat e tij të impresionojnë:

Falë “tripletës” së tij kundër Atleticos, Ronaldo është lojtari që ka shënuar më shumë gola në Champions brenda një sezoni për “Zonjën e Vjetër”, 8 gola, po aq sa Vidal, por ka në dispozicion të paktën dhe dy ndeshje të tjera.

Me këtë tregolësh është lojtari i 11 në historinë e futbollit Botëror që shënon “tripletë” më dy ekipe të ndryshme.

Me 21 golat që i ka shënuar Atletikos shndërrohet në lojtarin që i ka shënuar më shumë asaj skuadre.

“Muri” i Simeones nuk ka asnjë efekt mbi Ronaldon. 124 gola ka shënuar Ronaldo në Champions, 6 gola më shumë se sa ka shënuar Atletico Madrid në të gjithë historinë e tyre në Champions.

Këto janë shifra të një fenomeni.

“Duhet të ishte një mbrëmje speciale e kështu ndodhi, jo vetëm për golat e mi por për të gjithë skuadrën. Kjo është Champions League dhe kjo është një motiv krenarie. Un bëj punën time dhe jam i lumtur, ishte një natë magjike. Finalja? Jo, është akoma herët, hap pas hapi”, u shpreh ylli portugez.

Shkruar Nga
More from Redaksia

Duka apo Fino? Komuniteti i futbollit zgjedh drejtuesin e 4 viteve të ardhshme

    Pas një fushate të ndezur elektorale, me projekte e platforma,...
Read More