Paris/ Prokuroria nis hetimet për zjarrin në ‘Notre Dame’

 

‘Prokuroria e Parisit ka hapur një hetim mbi zjarrin shkatërrues në katedralen e Notre Dame’ ka deklaruar një zëdhënës për CNN.

Prokurorët do të hetojnë pistën “shkatërrim të pavullnetshëm nga zjarri”, tha zëdhënësi i prokurorisë.

Ndërkohë presidenti Macron ka shpallur emergjencën kombëtare pas zjarrit shkatërrues që ka rënë në Katedralen e Notre-Dame. Ai njoftoi se, duke filluar nga sot, ai do të nisë një fushatë ndërkombëtare për mbledhjen e fondeve për të rindërtuar Katedralen.

 

Zjarri që përfshiu katedralen ‘Notre Dame’ në Paris shkaktoi dhimbje te miliona njerëz në mbarë botën. Edhe në rrjetet sociale në Shqipëri, ‘Notre Dame’ ishte fjala e ditës. Pas disa orësh luftë me zjarrin, struktura kryesore e godinës është ruajtur.

Qindra zjarrfikës heroikë u ballafaquan me zjarrin gjatë natës, për të ndalur shkatërrimin e plotë të monumentit.

Ndërkohë, ekipet garuan për të rimarrë thesaret që mund të kishin mbetur nga kryevepra 850 vjeçare gotike, të cilat kanë rëndësi të madhe fetare dhe ndërkombëtare.

Zjarri, i cili shpërtheu pasi turmat e fundit të turistëve përfunduan vizitat në orën 7 pasdite lokale, u shpall përfundimisht ‘plotësisht nën kontroll’ gati nëntë orë më vonë. Megjithatë, pritet të zgjasë disa ditë procesi për të shuar plotësisht të gjitha pikat e mbetura të zjarrit.

Vëmendja po fillon të kthehet në atë që se çfarë mund të ketë shkaktuar fatkeqësinë. Zyra e prokurorëve të Parisit tha se policia do të kryejë një hetim për ‘shkatërrimin e pavullnetshëm të shkaktuar nga zjarri’, duke treguar se autoritetet aktualisht po e trajtojnë flakën si një aksident tragjik dhe jo zjarrvënie apo terrorizëm.

Presidenti francez, Emmanuel Macron u angazhua për rindërtimin e godinës historike. Por edhe bashkëshorti i aktores Salma Hayek tha se ai është gati për të marrë përsipër rindërtimin e ‘Notre Dame’. Miliarderi Francois-Henri Pinault tha se do të japë 100 milionë euro për rindërtimin.

Pinault, i martuar me Hayek që në vitin 2009, është shef i kompanisë Kering, që ka në pronësi marka të njohura si Gucci dhe Yves Saint Laurent.

 

Katedralja ‘Notre Dame’ në Paris, që u përfshi ditën e djeshme nga një zjarr masiv, ka një vlerë mjaft shpirtërore për francezët, për vetë faktin e të qenurit një kryevepër gotike historike 850-vjeçare. Presidenti francez Emmanuel Macron deklaroi se ‘Notre Dame’ do të rindërtohet në bazë të mbledhjes së fondeve anembanë botës dhe nuk vonoi shumë që miliarderi Francois-Henri Pinault të shprehej se do të kontribonte me 100 milionë euro. Mirëpo, bashkëshorti i aktores së njohur Salma Hayek nuk është i vetmi që ka ofruar një shifër të tillë marramendëse.

Njeriu më i pasur i Francës, Bernard Arnauld, themeluesi dhe pronari i grupit LVMH Luxury ka dhuruar plot 200 milionë euro. Pra, deri më tani gjenden 300 milionë euro në dispozicion për katedralen “Notre Dame”.

Zjarri që shpërtheu në të pasi turmat e fundit të turistëve përfunduan vizitat në orën 19:00, u shpall përfundimisht në kontroll gati nëntë orë më vonë. E teksa zyra e prokurorëve të Parisit tha se policia do të kryejë një hetim për “shkatërrimin e pavullnetshëm të shkaktuar nga zjarri”, procesi për të shuar plotësisht të gjitha pikat e mbetura të zjarrit pritet të zgjasë disa ditë.

*****************************

Katedralja e njohur ‘Notre Dame’ në Paris është përfshirë nga zjarri.

Shkaku nuk është bërë akoma i ditur. Zyrtarët dyshojnë se ngjarja ka lidhje me punimet për rinovimin e katedrales.

Pamjet e postuara në rrjetet sociale tregojnë flakët dhe tymin mbi godinën 850-vjeçare.

Vitin e shkuar, Kisha Katolike në Francë kërkoi me ngulm që të jepen fonde për katedralen, pasi ajo kishte nisur të shembej.

Referuar mediave vendase, deri në këto momente nuk janë regjistruar persona të lënduar apo viktima, ndërsa zjarrfikëset po punojnë për shuarjen e flakëve.

 

 

  

Shkruar Nga
More from Redaksia

U tha se do të largohej nga Top Channel, reagon Arbana me një foto

  Largimi i Arbana Osmanit nga “Top Channel” është përfolur shumë nga...
Read More