fbpx

Kryesore

Detajet e takimit historik: Nuk do të ta prish më gjumin me raketa





               Publikuar në : 11:20 - 27/04/18 |
mapo.al

Kim Jong-un u bë lideri i parë i Koresë së Veriut që shkel në Korenë e Jugut, duke kaluar vijën ushtarake që ka ndarë gadishullin që prej fundit të Luftës Koreane, në vitin 1953.


Në një moment plot simbolikë, lideri koreano-jugor Moon Jae-in dhe Kim shtrënguan duart në kufi, në të dyja anët e tij për të qenë të saktë, pasi Kim e ftoi Presidentin e Koresë së Jugut që për pak çaste të kalonte kufirin drejt Veriut.



Madje në një moment ai bëri shaka, duke i thënë se “nuk do ta prish gjumin” më kërcënimet e raketave bërthamore.


Ndryshimi i situatës është kolosal, pasi vetëm pak muaj më parë diskutimi mes vendeve ishte luftarak, ndërsa tani ata mund të diskutojnë paqen dhe armët bërthamore.

Pjesa më e madhe e temave të samitit janë dakorduar mes palëve, megjithëse shumë ekspertë janë skeptikë për entuziazmin e Veriut për një marrëveshje. Pas ceremonive zyrtare, dy liderët hynë në Shtëpinë e Paqes në Panmunjom, një ndërtesë ushtarake në zonën e çmilitarizuar në kufi, ku Kim firmosi në Librin e Miqve.

“Një histori e re fillon këtu!”, ishte shënimi i tij.

Vizita historike u mirëprit në Korenë e Jugut. Miliona njerëz ndoqën drejtpërdrejtë momentin kur Kim Jong un dhe Moon Jae-in shtrënguan duart dhe më pas iu drejtuan “Shtëpisë së Paqes”, e ngritur pikërisht në vendin ku u nënshkrua armëpushimi që i dha fund luftës civile. Megjithatë, mes dy vendeve nuk ka një deklaratë paqeje dhe teknikisht janë ende në luftë. Edhe kjo pritet të jetë një temë e hedhur për diskutim në tryezën dypalëshe.

Në orët e pasdites, me orën lokale, dy udhëheqësit mbollën një pemë në shenjë simbolike duke përdorur dhe e ujë nga të dyja vendet.

Por, jo të gjithë e mirëpritën vizitën e diktatorit koreano-verior në jug. Disa grupe konservatorësh protestuan në Penian dhe në afërsi të zonës ku po zhvillohet samiti. Ata janë mosbesues dhe thonë se plani i Kim Jong-un nuk është paqja.

<
>
North Korean leader Kim Jong Un, center right, arrives with his delegation for a meeting with South Korean President Moon Jae-in at the North side of Panmunjom in the Demilitarized Zone Friday, April 27, 2018. Kim made history Friday by crossing over the world's most heavily armed border to greet his rival, Moon, for talks on North Korea's nuclear weapons. (Korea Summit Press Pool via AP)
1 2 3 4 5 6 7 Koreas Summit 9 10 11


Etiketa: , , , ,

Pas