Shkarkime, largime, furtunë, vetëm njëri nuk ikën…

Kryeministri Edi Rama deklaroi sot në një takim me qytetarët që kanë marrë zgjidhje përmes platformës së bashkëqeverisjes, se janë trajtuar më shumë se 32 mijë ankesa të mbërritura në platformën dixhitale.

Dikush ironizoi online se çfarë qeverie është kjo që u shkakton kaq çoroditje qytetarëve, sa krijon dhjetëra mijëra halle për njerëzit.

Mes atyre që foli sot ishte edhe një grua që e kishin hequr nga puna. Rama i tha asaj se fajin e ka qeveria për këtë dhe u zotua se do shkarkonte drejtorët që e kanë larguar nga puna.

Pak më vonë u raportua se në fakt janë shkarkuar dy drejtoresha të rëndësishme, ajo e Tatimeve dhe e Doganave.

Nuk kalon ditë pa dëgjuar për shkarkime, largime apo dorëheqje. Madje edhe qeveria është ndryshuar thuajse plotësisht dhe vetë Edi Rama ka nisur spastrimin e njerëzve që kanë punuar me ish-ministrat e tij.

***************************************

 

Largohet nga detyra drejtori i Përgjithshëm i Hipotekës, Valdrin Pjetri. Vendimi është firmosur nga ministrja e Drejtësisë, Etilda Gjonaj. Ai qëndroi rreth 1 vit në krye të Hipotekave. Valdrin Pjetri u emërua në këtë detyrë në maj 2018, duke zëvendësuar Elion Semanaj.

Lëvizja në këtë drejtori vjen për efekt strukturimi, pas shkrirjes së ALUIZNI-t me Hipotekën dhe krijimit të institucionit të Kadastrës. Drejtor i Kadastrës u emërua një ditë më parë, Artan Lame, ish-drejtori i ALUIZNI-t. MAPO mëson se ish-kreu i Hipotekës ka marrë një detyrë të re, atë të Prefektit të Shkodrës.

Më herët me firmë të ministres së Financave, Anila Denaj u larguan nga detyra drejtorja e Doganave, Belinda Ikonomi dhe ajo e Tatimeve, Vasilika Vjerro. Në vend të tyre, përkatësisht te Dogana u emërua Arlind Gjokutaj, ndërsa te Tatimet shkon Enton Duro.

***************************************

 

“Tërmet” në Tatime dhe Dogana, ku dy drejtueset janë larguar nga detyra. Gazeta Mapo mëson se është shkarkuar nga detyra drejtoresha e Doganave Belinda Ikonomi. Ministrja e Financave Anila Denaj ka firmosur shkarkimin e Belinda Ikonomit. Në kryje të doganave është emëruar Arlind Gjokutaj.  Më parë Arlind Gjokutaj  ka qënë drejtor i Pastrimit të Parave. Belinda Ekonomi është emëruar zv.ministre e Ekonomisë.

Gjithashtu është shkarkuar edhe drejtoresha e Tatimeve Vasilika Vjero. Enton Duro është emëruar në kryje të Drejtorisë së Tatimeve. Duro më herët ka qënë drejtor në Ministrinë e Financave.

Belinda Ikonomi dhe Vasilika Vjero kanë qënë dy femrat që kanë drejtuar Doganat dhe Tatimet prej më shumë se 1 viti. Të dyja ishin emëruar me firmën e ish-ministrit të Financave Arben Ahmetaj. Ministrja e re Anila Denaj ka vendosur largimin e tyre dhe emërimin e Arlind Gjokutaj dhe Enton Dene në kryje të Doganave dhe Tatimeve. Në këtë mënyrë janë larguar nga detyra njerëzit me të cilët punonte Arben Ahmetaj.

***************************************

 

Ministri i Jashtëm në Detyrë, Gent Cakaj, njoftoi sot fillimin e një reforme të thellë në administratën diplomatike që nis me shkarkimin e 20 punonjësve, ndërsa një pjesë tjetër do të transferohen.

Por Cakaj nuk bëri publik emrat, ndërkohë që është zbuluar emri i diplomatit të parë të  shkarkuar. Ai është Edmond Kumaraku, konsull në Romë.

Kumaraku mësohet se është shkarkuar pas ankesave, ndërkohë që verifikimi kishte nisur prej disa muajsh dhe sot u finalizua me shkarkimin nga detyra.

Gent Cakaj deklaroi se nga administrata diplomatike do të largohen të gjithë ata që janë nuk e meritojnë, pasi janë emëruar në mënyrë klienteliste dhe nepotike.

 

Debatet janë kthyer në sherre, sherret në konflikte, e tashmë në armiqësi të hapur në publik. Kjo po ndodh mes Edi Ramës dhe Ditmir Bushatit. Vetëm dy ditë më parë, Rama tha në një takim me diplomatët se kishte nepotizëm në Ministrinë e Jashtme. Sot doli në deklaratë për shtyp Ministri në detyrë Gent Cakaj dhe zbuloi që dikasteri i drejtuar në 5 vite nga Ditmir Bushati paska qenë zhytur në paaftësi, korrupsion moral, nepotizëm, e emërime tarafesh, e jo sipas meritave.

Pas një hulumtimi serioz, Cakaj ka vendosur të shkarkojë nga puna mbi 20 punonjës, dhe të bëjë menjëherë disa transferime nëpër ambasadat tona jashtë, sipas nevojave të vendit dhe diplomacisë dhe jo, sic i quajti sipas interesave private. Ky është sulmi më i madh që i është bërë një ish-ministri nga ata që Rama shkarkoi në fund të vitit të shkuar.

Edhe Gjiknurit i janë lëvizur të gjithë njerëzit kryesorë, por pa konferenca shtypi me akuza për nepotizëm, paaftësi dhe korrupsion. Gjiknuri madje është mbajtur sërish shumë afër duke u bërë Sekretar Zgjedhor.

Inati i Ramës ndaj Bushatit qenka shumë i madh. Më shumë se sa mendohej. Por edhe Bushati nuk po i ndahet. Para pak ditësh ai foli për median kosovare, duke i quajtur ‘sharlatanë me harta’ ata që përdorin termin ‘korrigjim kufijsh’.

***************************************

I vetmi që nuk largohet në këtë furtunë është ai, kryeministri, sugjeron Bujar Kapexhiu në një karikaturë virale.

 
 
Shkruar Nga
More from Redaksia

Koreja e Veriut çmonton stacionin e raketave

    Koreja e Veriut duket se ka nisur çmontimin e një...
Read More