Rama e Basha takohen sot

 

Takimi Rama-BashaTashmë është e konfirmuar: Kryeministri Edi Rama dhe kryetari i opozitës Lulzim Basha do të takohen për të negociuar për zgjidhjen e krizës politike.

Bëhet me dije se takimi Rama – Basha do të zhvillohet nesër në orën 10:00 në Presidencë.

Takimi mes tyre do të ndërmjetësohet nga presidenti Bujar Nishani.

Mbrëmë për herë të parë pas 74 ditësh, Lulzim Basha nuk e përkufizoi kërkesën për qeveri teknike, si kusht për zgjedhje.

“E kam thënë dhe e theksoj, se qeveria teknike dhe votimi elektronik, janë për ne, mjete për të realizuar kauzën e zgjedhjeve të lira e të ndershme. Nëse ka propozime, të cilat ofrojnë të njëjtat garanci, që ne deri më sot nuk i kemi dëgjuar, jemi të gatshëm dhe të hapur t’i diskutojmë”, tha Basha.

Qëndrimi i ndryshëm i Bashës, që është i gatshëm të dëgjojë prej Edi Ramës se çfarë ka për të ofruar për zgjidhje pa dhënë më parë dorëheqje, ishte një vendim që grupi parlamentar e mori pas një diskutimi me shumë pikëpyetje dhe dilema nga deputetët.

Jozefina Topalli tha se ishte e paimagjinueshme mospjesëmarrja e PD-së në zgjedhje.

Majlinda Bregu tha se është genocid të lesh 600 mijë votues të PD-së pa votuar, ndërsa Astrit Patozi mbështeti Bashën, por i kërkoi të bëjë mirë llogaritë gjatë negociatave.

Tani opozita pret ofertën e Edi Ramës, përballë ofertës së qeverisë teknike.

Shkruar Nga
More from revista mapo

Doktori ishte mirë te Eni Vasili, por kjo nuk është mirë për Lulin

Nga Ervis Iljazaj Në emisionin “Studio e Hapur” të moderatores Eni Vasili...
Read More