Paralajmërimi i Tahirit: Do të flas shumë shpejt

Gjykata e Krimeve të Rënda ka lënë në fuqi masën për bllokimin e pasaportës dhe ndalimin për daljen jashtë Shqipërisë të ish-ministrit të Brendshëm Saimir Tahiri.

Duke folur shkurtimisht për gazetarët jashtë godinës së Gjykatës, Tahiri tha se “do të flasë së shpejti”, por nuk ka bërë komente të tjera.

Ndërkohë që avokati i tij Maksim Haxhia sulmoi Gjykatën e Krimeve të Rënda duke thënë se është “kthyer në një notere për kërkesën e Prokurorisë”.

Avokati theksoi gjithashtu se nuk ka asnjë provë të re për këtë masë të vendosur nga Gjykata.

Avokati Haxhia bëri me dije se do të apelojnë këtë vendim të Gjykatës.

Gjykata e Krimeve të Rënda e ka lënë në fuqi vendimin për ndalimin e lëvizjes jashtë shtetit të ish-ministrit të Brendshëm, Saimir Tahiri, në një seancë që nuk zgjati shumë dhe rreth orës 10:30, gjysmë ore pasi kishte hyrë brenda, Tahiri dhe avokati i tij Maks Haxhia dolën jashtë.

Përpara gazetarëve, avokati tha gjithashtu se e prisnin këtë vendim.

“Ne e prisnim këtë vendim, pasi kjo gjykata është kthyer në një notere të kërkesave të prokurorisë,”tha Haxhia.

Ai paralajmëroi apelim të vendimit, duke shtuar se nuk ka prova e fakte për këtë masë kufizuese.

Brenda në seancë, Tahiri dhe Haxhia thanë se nuk ka kurrfarë rreziku që ish-ministri të arratiset jashtë vendit.

Tahiri tha se është deputet dhe ka lëvizur lirshëm jashtë.

Ish-ministri u shpreh se do përballet me drejtësinë deri në fund.

“Kurrsesi nuk do largohem. Mund të jem edhe në arrest shtëpie, por nuk do e bëj diçka të tillë,” tha Tahiri.

Shkruar Nga
More from Redaksia

Vrau vjehrrën, hoxha: Marjana Çmeta u rrëfye tek unë, ja pse nuk shkova në polici

  Gjashtë ditë pas vrasjes se Lirije Lamit, Marjana Çmeta, asokohë 20...
Read More