Madridi paralajmëron për pasojat ekonomike pas krizës katalonase

Qeveria spanjolle paralajmëroi sërish sot për pasojat ekonomike të krizës në Kataloni, ndërsa ndalimi i tetë ministrave të shkarkuar katalonas riaktivizoi protestat indipendentiste.

“Me zgjedhjet e parashikuara më 21 dhjetor, qeveria shpreson të rivendosë stabilitetin në Katalonjë, kryesisht për të shmangur pasojat e rënda ekonomike për këtë rajon”, deklaroi për median zëdhënësi i qeverisë konservatore, Inigo Mendez de Vigo, pas mbledhjes së këshillit të ministrave.

“Në lidhje me turizmin që përbën 12 për qind të PBB të Katalonisë, ndikimi i ngjarjeve të shënuara prej referendumit për vetëqeverisje i ndaluar, më 1 tetor, është mjaft i dukshëm”, pohoi ai.

Norma e shfrytëzimit të hoteleve të Barcelonës ishte 83 për qind gjatë javës së fundit të tetorit kundrejt 90 për qind aktualisht, dhe 67 për qind e hotelierëve konfirmuan se kanë ulur çmimin për të kompensuar këtë ulje, sipas një anketimi të realizuar nga qeveria.

Në tetor, Katalonia është rajoni spanjoll ku numri i të papunëve shënoi rritje më të konsiderueshme (+14.700), theksoi Mendez de Vigo.

Shkruar Nga
More from Revista User

Përdorni këtë maskë për fytyrë të hidratuar

Fytyra juaj shpesh ballafaqohet me ndryshime klimatike dhe me ambiente jo shumë...
Read More