Filozofi pa certifikatë sigurie: Ndryshe nga Lleshaj, Meta jep argumente për Cakajn

Sapo kryeministri Edi Rama bëri të ditur ndryshimet në kabinetin qeveritar, lajmi se diplomacinë shqiptare do e drejtojë një kosovar, nisi të qarkullojë me shpejtësi në rrjetet sociale.

Gent Cakaj nuk kishte shumë kohë si zëvendësministër i Jashtëm, megjithatë ai kishte marrë përsipër të kryesojë si koordinator teknik procesin e integrimit në Bashkimin Europian.

Kur gazetarët e pyetën për emrin e tij, Edi Rama u tha se ka lexuar më shumë libra se të gjithë ata.

Ndoshta, pasi Cakaj është arsimuar në Kosovë, Belgjikë dhe Hungari dhe mban dy diploma dhe 3 master në filozofi, shkenca politike dhe juridik.

Por kjo nuk do të thotë se ai do e kalonte filtrin e rreptë të presidentit Ilir Meta.

Edhe pse një filozof me detyrë të vështirë, ai duhej të ishte pajisur me certifikatë sigurie që kur kishte nisur punën.

Por për të marrë certifikatën ai është kujtuar vetëm më 3 janar, disa ditë pasi emrin e tij e kishte shpallur Edi Rama për ministër të Jashtëm.

Jo vetëm kaq, por certifikata i është miratuar për një ditë, ashtu siç dinë të bëjnë institucionet shqiptare, shkel e shko.

Interesant është se Meta i ka kapur edhe disa komente publike për ndryshim kufijsh në rajon, që nuk janë cilësuar të përshtatshme.

Po ashtu është interesant se ndryshe nga sa ndodhi me rastin e Sandër Lleshajt, Ilir Meta ka vendosur të bëjë publike arsyet e refuzimit të Cakajt.

Shkruar Nga
More from Redaksia

Horoskopi i ditës, 9 maj

  Dashi Kjo e mërkurë është një ditë që do ju mësojë...
Read More